EUSKADIKO KARRIKAK
Karrika beltzak
karrika ilunak
Plaza Nagusietarateko
karrika apurtuak!
Hartu zizkiguten denboratik
Zaintzen zizkiguten denboretan
oligarkoek eta jauntxoek eta eskuindiar orok
zenbat solas, zenbat tratu, zenbat irri
gure bizkar
karrika beltzetan
karrika ilunetan
karrika apurtuetan
patxadan ibilki ziren denboretan
harmen puntan zainduak atxikitzen zituzten
Plaza Nagusietan!
Guretzat bilakarazi zituzten
karrika arriskutsuak
Plaza Nagusietarateko
karrika harmatuak
parias eli baten antzeko
ikusten gintuzten denboretan
oligarkoek eta jauntxoak eta eskuindiar orok
uxatzen, zafratzen eta tirokatzen gintuzten denboretan
parias eli bat ginen denboretan
karrika zilokatuetan
karrika bihurrietan
Plaza Nagusietan gaindi harrapatuak eta zanpatuak
indarka akulatzen gintuzten denboretan
guretzat bilakarazi zituzten
kartzelarateko karrika madarikatuak!
Karrika beltzak
karrika ilunak
Plaza Nagusietarateko
karrika gartzelatuak!
Baina
parias eli hau ohartu zenean
sortzen ikusi zuen lurra berea zuela
uzinetan eta lurgintzan eta artzaingoan eta arrantzan
ari eta ari zen langileria berea zuela...
Parias eli honek erabaki zuenean
hauk guzien izerdi beltzak
itsasoan galtzea ez zuela merezi
hauk guzien indarrak eta lanak eta biziak
pantza handi horik bazkatzen xahutzea
ez zuela balio...
Parias eli honek erabaki zuelarik
burruka gogor bat abiatzea eta eramatea...
Lili gorriak
lili xuri ta beltxak
lili perde ta horrailak
askatasunaren margoak
hasi ziren loretzen
iraultzaren hildoetan
Euskadiko karriketan!
1976ko Uztailan
